رد السلام يا بن الميدان
وأكتب في الشهيد 90 مليون ديوان
أدي الوقت جالوا لأدان
أنصت لتسمع جاي البيان
وأنا اللي عنك بعيد
نبض دمي عليك مش جديد
وفي كف أيدي وقع شهيد تلو الشهيد
........
بس وأمي اللي ربت وغنت ولاد
وخدين م الانتصار عهد وميعاد
... قول للانكسار أبدا ما عاد
أتغير وجه البلاد
صورة سرقتها عيونا من الشارع
لشباب بيقول مش راجع
وطبعناها سجون للخوف
وتعودنا ع الملتوف
والحرق ما بيوجعنا
أصل الظلم سحبنا وجمعنا
في الكورة البلور وعين العالم في شريط تحكينا
وبكره مين قال مش لينا؟؟؟!!!
ما دومنا أتجمعنا و قوينا ؟؟!!
رد السلام يا بن الميدان
واعزف يا عود معني الصمود
الكتف مال ورجع يعود
لجل ننضف لازم تراب يعمي عينينا عشان نشوف
جسر التاريخ ليه نسينا ؟
وَجه التعليم ما كنش كافي؟
أنزلي يا ثقافة وردي علينا
راح نعدل موازين تعليمنا ونفتح من تاني شباكنا للعالم يغازلنا
ابن سينا وابن رشد والفارابي وثورة كان بيزعق فيها عرابي
بلدي لو تقول فيها أصول
رد السلام يابن الميدان حان الوصول
________________
ظل المعاني f.p
2011