كنت أروح السيدة وأرجع تاني ع الحسين

كنت أروح السيدة وأرجع تاني ع الحسين ..

يعجبني منديل بأوية وناس بضحكة معديين...

ونور في حضرة وناس تتوه بين ذكروحنيين....

فطر وصوم وإنشاد لدين ...

على كدا في حياتهم متعودين....

وع القصور كعبي داير أمسيات وكلامنا حاير....

بين فكر وظروف ومعارضة وآمين ..

أحلامي لما كنت بضفاير أسكن قريب م الحروف ..

وأرسم بلوني عشقي وجنوني ..

وأحلم وأشوف..

 أماكن بآثارنا ولون وطنا تمتلئ ...

في شارع المعز وخان الخليلي روحك وعقلك  ينسرق...

وأرجع وعود لعهد العهود ...

أهرام بناها جد الجدود ...

تركب فرس تمشي بحرس....

 المتعة ليك  مش منك يا شيك ...

ويا سلام لو تشوف نول بينسج بالساعات...

 ناس عرقهم بحكايات ....

يقولوا للمهنة ذكريات ....

وكرداسة بلد العبايات قطن خالص ومنسوجات....

والحكاوي عنك يا مصر ما تنتهي وياما آت.....

كلمات صفاء البحيري

f.bظل المعاني

9-11-2011